LAOAG CITY – Sakit iti nakem ti makitkita dagiti otoridad a rason iti panagpakamatay ti maysa a lakay iti ili ti Banna.
Binigbig ni PLt. Kester Arellano, ti hepe ti PNP-Banna ti biktima nga agtawen ti 68, balo, dati nga empleado iti Metro Manila Development Authority ken residente iti nasao nga ili.
Kuna na a naduktalan lattan ti pamilya na a nakabitin iti kusina da ken awanen ti biag na.
Immuna iti daytoy, inpakaammo ni Arellano a basar iti palawag dagiti kapamilya ti biktima, nagriing a nasapa itay parbangon ken nagluto pay laeng ti bagas sakbay a napasamak ti insidente.
Naamoan a death anniversary ti asawa ti biktime idi sabado, Nobiembre 27 ken inur-uray na ti tawag dagiti annakna iti Metro Manila.
Nu pay kasta, awan a pulos ti nangtawag iti daytoy ken posible nga isu ti pagsaksakitan ti nakem na.
Innayun ni Arellano nga adda metten ti immuna a gundaway a ginandat ti biktima ti nagpakamatay idi Oktubre ken addaan daytoy iti sakit nga asthma.
