LAOG CITY – Pimmusay ti maysa a lakay kalpasan a nagpakamatay iti ili ti Pasuquin.
Basar iti PNP-Pasuquin, ti biktima ket agtawen ti 73, naasawaan ken maysa a mannalon.
Segun kenni Police Lt. Bjay Calivoso, ti chief of police ti PNP-Pasuquin, itay parbangon ket nakita ti agtawen ti 16 a babai ti lolo na a nakabitin iti puon ti marunggay.
Kunana a dagus da met a nagresponde ket iti assestment da ket mabalin a saan a kabaelan ti biktima ti gumatang iti agas na para iti sakit na wenno awan ti mangsuporta kenkuana rason a napanunot na ti nagpakamatay.
Rumrumuar a ti biktima ket agsagsagaba ti depresyon gapo iti sakit na, ken saan unay nga agun-uni daytoy.
