LAOAG CITY – Napandagan ti maysa a lakay babaen iti inmaneho na a kurong-kurong kalpasan a naidungpar iti sarsaruwen na a tricycle iti Barangay Buttong ditoy ciudad ti Laoag.
Basar iti PNP-Laoag, ti kurong-kurong ket inmaneho ti agtawen ti 61, residente iti nadakamat a barangay ken ti tricycle ket inturong met ti agtawen ti 26 a residente iti Barangay 19, Sto. Tomas iti ili ti Sarrat.
Iti imbestigasyon dagiti otoridad, agsarsaruno ti tricycle ken kurong-kurong nga agpalaud iti airport road.
Naamoan nga idi nag-left turn ti tricycle ket isu met ti panag-overtake ti kurong-kurong a rason ti desgrasya ken nagbaliktad ti lugan ken napandagan ti lakay.
Dagus met a naitaray ti biktima iti ospital ken gapo iti sinagaba na a dugol ken gasgas iti nagduduma a paset ti bagi na.
Rumrumuar a ti biktima ket adda iti impluwensya ti nasanger idi napasamak ti desgrasya.
