LAOAG CITY – Nasugatan ti nagduduma a paset ti bagi partikular ti ulo ti maysa a lakay kalpasan ti napasamak a desgrasya iti Barangay Cabungaan ditoy ciudad ti Laoag.
Iti impromasyon, ti biktima ket residetente iti Baragay Araniw ditoy ciudad ti Laoag.
Basar iti inisyal nga imbestigasyon dagiti otoridad, inturong ti biktima ti tricycle ken agpadaya idi nadungpar na ti likudan a paset ti aluminum truck nga agsanod a rumwar manipud iti maysa a pasdek negosyo.
Rumrumuar a ti napaspas ti panagpataray ti biktima no sadinno ket nagpuligos pay ti tricycle na apaman a naidungpar iti likod ti truck.
Gapo iti daytoy, dagus a naitaray iti ospital ti biktima para iti pannakataming na.
Iti agdama, agtultuloy a matamtaming ti biktima ken manarimaan ti imbestigasyon dagiti otoridad.
