LAOAG CITY – Mapilaan ti kaso a panagsalungasing iti Republic Act 9165 wenno Comprehensive Dangerous Drugs Act of 2002 ti maysa a lalaki kalpasan a natiliw babaen iti naiwayat nga Anti-illegal Drug Buy-Bust Operation iti Brgy. 15 ili ti San Nicolas idi Enero 2, 2025.
Segun iti San Nicolas Municipal Police Station, ti suspek ket agtawen ti 26, unemployed, Street Level Individual ken residente iti Brgy. 9 iti nasao nga ili.
Basar iti imbestigasion, natiliw ti suspek kalpasan a maipagarup a naglako ti mamapati a shabu iti polis a nagpammarang a poseur buyer.
Nakakumpiskar manipud ti suspek ti maysa a heat-sealed transparent plastic sachet a naglaon iti mapapati a shabu a maipagarup nga inlako na iti poseur buyer idinto nga adda pay ti sabali a nakumpisakar dagiti otoridad a tallo a heat-sealed transparent plastic sachets a naglaon ti maipagarup a shabu manipud kenkuana pakairamanan pay ti P1,000 a nausar kas buy-bust money.
Mainaig iti daytoy, agdagsen ti sumurok-kumurang maysa a gramo ti nakumpiskar a droga nga addaan ti street value a P6,800.
Kabayatanna, nagtalinaed ti suspek iti kuerpo ti San Nicolas Municipal Police Station.
