LAOAG CITY – Natiliw ti maysa a lalaki iti naiyuswat a drug buy-bust operation iti paset ti Barangay 1, Sarrat, Ilocos Norte.
Nabigbig daytoy a ni Romel Pablo, taga Barangay Loing idiay ili ti Piddig.
Naala iti ikot ni Pablo ti buy-bust money a sangaribo a pisos ken sumagmamano a sachet a naglaon ti maipagarop a shabu.
Naamoan a ni Pablo ket naminduan a daras a natiliw gapu ti panaglabsing na ti Republic Act (RA) 9165 wenno Comprehensive Dangerous Drugs Act of 2002.
Iti agdama ket nagtalinaed ni Pablo iti kustodyar ti PNP idiay ili ti Sarrat.
