LAOAG CITY – Nakuryente ti maysa a construction worker idiay Barangay 40, Balatong ditoy ciudad ti Laoag.
Nabigbig ti biktima a ni Reynaldo Suguitan, agtawen ti 48, maysa a construction worker ken residente iti Barangay 48-B, Cabungaan ditoy ciudad ti Laoag.
Segun kenni Suguitan, bayat nga adda iti maikadwa a kadsaaran ken idi iyus-usok na ti host ket aksidente a naisagid iti waya ti ima na.
Inbatad na a ti waya iti maipatpatakder a balay ket ikkan da kuma ti insulator.
Kunana nga ammo na met nga adda ti live wire iti ayan na ngem kellaat a naiduron ti iggem na a rason ti pannakakuryente na.
Nagsagaba ti biktima ti sugat iti agsinnumbangir a sellang na, akin-kannnigid a kili-kili ken manamnama ti pannakaputed ti saka na.
