LAOAG CITY – Nagreklamo ti maysa nga aglaklako ti ikan iti Laoag City Commercial Complex iti PNP Laoag kalpasan a binukbukan ti maysa a lalaki ti gasolina ti lako na nga ikan.
Nabigbig ti nagreklamo a ni Rochelle Duldulao Marcelo, agtawen ti 27, naasawaan ken residente ti Brgy 32-A Laoag City.
Segun ti PNP Laoag, dimteng ti agnagan ti Castillo Bareng Cariaga, adda ti umno nga edad, naasawaan ken residente ti brgy 7 Suksuken iti ili a Piddig.
Singiren kuma ni Cariaga ti utang ni Marcelo nga 400 a pisos ngem naklaat lattan ti aglaklako idi binukbukan na ti gasolina ti lako na nga ikan nga 12 a kilos ken agbalur ti 1,200 a pisos.
