LAOAG CITY – Inpakaammo ni Police Staff Sergeant Seymour Belarmino, duty desk officer ti Philippine National Police ditoy siudad ti Laoag a balligi a naarestar ti maysa a lalaki babaen ti naiparuk-at nga warrant of arrest.
Segun kenkuana, nabigbig ti suspek nga alyas “PURAW”, agtawen ti 26, awanan a asawa, ken residente iti Brgy. 1 San Lorenzo ditoy siudad.
Kinunana nga agadama a nakaibalud daytoy iti Bureau of Jail Management and Penology ditoy siudad.
Basar iti imbestigasion, ti arrest warrant kontra Corpus ket impaulog ni Hon. Johnson Valin Padre, presiding judge ti Regional Trial Court Laoag, Branch 13.
Mainaig iti daytoy, naglabsing ti suspek babaen ti Article 293 ti Revised Penal Code wenno kaso panagtakaw.
Kabayatanna, narekomendaran nga agpyansa ti suspek iti gatad a P48,000.00 para iti temporary a pannakawaya-waya na.
