LAOAG CITY – Naarestar dagiti otoridad ti maysa a lalaki ditoy siudad ti Laoag babaen iti naiparuk-at a bileg a warrant of arrest gapu iti kasona nga Statutory Rape.
Nabigbig ti suspek nga agtawen ti 22 ken residente iti Brgy. 37 Calayab ditoy siudad ti Laoag.
Mainaig iti daytoy, inyatnag ti Regional Trial Court Branch 4 ditoy siudad, ti warrant of arrest idi Setiembre 16, 2024, no sadinno awan ti nairekomendar a piyansa para iti temporario a pannakawayawaya ti suspek.
Naammoan a ti ina ti biktima nga agtawen ti 14 ti nangipila iti reklamo no sadinno adda ti relasion ti balasangna ken ti suspek.
Kabayatanna, manamnama a maidatag ti suspek iti korte a nangipaulog iti arrest warrant.
