LAOAG CITY – Maysa a lalaki ti tiniliw dagiti kameng ti PNP Laoag iti Brgy. 13 partikular iti maysa a gasoline station.
Daytoy ket kalpasan a nagtakaw ti maysa a kahon ti pasayan a naggapo iti probinsya ti Cayagan.
Basar iti imbestigasyon dagiti otoridad, nakita a nagpidot latta ti lalaki ti kahon ti pasayan nga agbalor ti 15,000 a pisos.
Nu pay kasta, kuna ti suspek a ni Larry Matulin, agtawen ti 38 ken residente iti Brgy. 12 ditoy siudad a binaon laeng isuna ti uliteg na a ni Valdo Duyao a mapan mangala iti pasayan iti nadakamat a lugar.
Inbatad na a saan na nga inpagarop nga awan ti kukua ti uliteg na kadagiti naibaba a pasayan iti gasolinaan gapu ta addan naminpito a daras a napan nangbangkat ti pasayan.
Mainaig iti daytoy, kuna na a kalikagum na ti makisarita kadagiti nangireklamo kenkuana pakairamanan ti uncle na a mangibabaon kenkuana.
Iti agdama ket nagtalinaed iti kustodyar ti PNP Laoag ti suspek ken manamnama a mapilaan ti kaso a panagtakaw.
