LAOAG CITY – Maysa a lalaki ti naduktalan a nalamiisen a bangkay iti uneg ti pagtaenganna iti Brgy. 9 ditoy siudad ti Laoag.
Basar iti report ti PNP-Laoag, ti biktima ket mapan kuma balunan dagiti kasinsin na.
Nu pay kasta, apaman a nakadanun dagiti kasinsin na iti up-upaan a pagtaengan daytoy ket nakita nga awanen ti biag na.
Naamoan nga addaan daytoy ti sakit ken agmaymaysa laeng iti pagnanaedan na.
Kabayatanna, awan met ti makita a foul play dagiti otoridad iti pannakatay ti biktima ngem ketdi gapu iti sakit.
