LAOAG CITY – Agtultuloy ti imbestigasyon dagiti otoridad kalpasan ti panagprobokar ken panagbubuong ti bote ti suspek iti Brgy. 8 San Rufino iti ili ti San Nicolas.
Natiliw da ti suspek a ni David Dadiz y Tabios, agtawen ti 59, naasawaan ken residente iti nasao a barangay.
Basar ti PNP San Nicolas, bayat nga imanmando dagiti barangay tanod ti barangay checkpoint iti nasao a lugar ket dimteng ti suspek a maipagarup nga adda iti impluwensya ti nasanger, nagprobokar ken nagbuong ti bote iti kalsada.
Ginandat dagiti barangay tanod nga anawaen ti suspek ngem ginandat a papatayen na ti Chief Tanod Ceferino Bernardo y Mamuad usar ti immuko ngem nakalisi daytoy.
Ginandat manen ti suspek a bagkongen da Barangay Tanod Bobby Coloma y Lucas kenni Barangay Tanod Albert Mamaclay y Garcia ngem agpada a nakalisi da.
Iti panagresponde dagiti otoridad, natiliw da ti suspek ngem nagresistir daytoy ket kinugtaran na dagiti pulis a nagresponde.
Narekobre dagiti otoridad ti immuko nga iggem ti suspek kalpasan a natiliw da ken naipan iti kustudyar ti PNP San Nicolas.
Possible a sumango ti suspek iti Attempted Murder gapu ti inaramid na.
