Nadumaduma nga addang ti inaramid ti maysa a lalaki a ni Jesse Kipf, agtawen ti 39 manipud USA kalpasan a nakastrek iti death registry system ti lugarna.
Ti rason iti panagaramidna iti Death Certificate para iti bagina tapno maipakitana a pimmusay ken tapno maliklikanna ti responsibilidad kas iti panangipaay iti sustento iti pamiliana.
Gapu iti daytoy, sumangsango ti suspek iti adu a kaso.
Mapapati a naala ti suspek ti login details manipud iti maysa a doktor idi Enero 2023 tapno sumrek iti nasao a sistema.
Naammuan pay a saan laeng a daytoy ti na-hack-na gapu ta dadduma pay a pribado a negosio ken dadduma pay a dadakkel a network ti nagun-odna a credentials-da.
