LAOAG CITY – Sinelebraran ti Guinness World Records ti 22nd GWR Day babaen ti panangiwaragawag kadagiti baro a titulo pakairamanan ti kaalistoan nga oras ti panag-paint iti landmark statue.

Ti nasao a titulo ket nagun-od ni Performance painter David Garibaldi babaen ti panagi-paint ti Statue of Liberty iti uneg ti 43.5 seconds.

Inaramid na daytoy iti mismo a New York City nga addaan ti unobstructed view iti landmark.

Inbatad ni Garibaldi a saanna pay a pulos a naaramid daytoy isut gapuna a dakkel ti nagbalin a karit kenkuana aglalo inaramid na a technique no kasanu na a paalistwen ti panag-drawing na.

Ti Guinness World Records Day ket tinawen a  maselselebraran  sipud idi 2004.