Balligi a naarestar ti maysa a lalaki kalpasan ti naiyuswat nga anti-illegal drug buy bust operation iti Brgy. Parang iti ili ti Badoc.
Nabigbig ti suspek a ni Mr. Medick Fernandez, residente iti nasao a barangay.
Nakumipiskar kenkuana ti maysa a sachet ti maipagarop a shabu nga agdagsen ti nakurang a maysa a gramo ken agbalor ti 10,000 a pisos.
Nu pay kasta, naglikudan ni Fernandez nga adda ti ikot na a maipagarop a shabu ken nakipagtransakyon kadagiti nagpammarang a gumatang ti iligal a druga.
Kabayatanna, inpakaammo ni PCapt. Joseph Tayaban, chief of police iti PNP Badoc nga addan ti panagsurrender ti suspek iti kallabes.
Nu pay kasta, nagsubli ti pannakamonitor na kalpasan a natiliw iti checkpoint iti ili ti Pinili kabayatan ti pannakaipatungpal ti enhanced community quarantine nu sadino a nakita dagiti otoridad a naglaon ti cellphone na kadagiti mensahe nga adda pakainaigan na iti pannakipagtransakyun na iti illegal a druga.
