LAOAG CITY – Nagsagaba ti sugat ti masya a lalaki kalpasan a natagtagbat iti Brgy. Macayeyep, Banna, Ilocos Norte.
Binigbig ni Police Major Chris Anthony Sorsano, ti chief of police ti Philippine National Police iti ili ti Banna ti biktima a ni Ranzen Medrano, agtawen ti 30, awanan ti asawa ken residente iti nasao a barangay idinto a ti suspek ket ni Jay Ar Aducan, agtawen ti 18, awanan ti asawa ken residente iti Brgy. Binacag iti nasao nga ili.
Segun kenni Sorsano, naggi-inom ti nasanger ti suspek, biktima kadua da dagiti dua pay nga indibidual nga isuda Rodrigo Macaburasken Dionisio Macaburas iti pagtaengan ni Alberto Calderon.
Inbatad na nga adda ti saan a panagkinnawatan ti biktima ken ni Macaburas a nagresulta iti paagdinnanogan dagitoy.
Kunana a kabayatan daytoy ket tinagbat ti suspek ti biktima a nakatamaan ti akin-kannigid a a kili-kili na ken iti buksit na.
Dagus met a naitaray iti Rural Health Unit iti ili ti Nueva Era ti biktima ngem naiyakar iti Mariano Marcos Memorial Hospital and Medical Center iti ciudad ti Batac para iti naan-anay a pannakataming na.
Kabayatanna, ti suspek ket adda iti kustudiyar ti Philippine National Police ken manamnama a mapilaan ti kaso a frustrated homicide.
