LAOAG CITY – Balligi a naisayangkat ti Anti-Illegal Drug Buy-Bust Operation iti Brgy. 15 San Jose iti ili ti San Nicolas.
Basar iti Provincial Drug Enforcement Unit, nabigbig ti subject ti operasion nga agtawen ti 44 naasawaan, awanan ti trabaho ken residente iti nadakamat a lugar.
Natiliw ti suspek kalpasan a naduktalan iti panaglakona iti maysa a heat-sealed transparent plastic sachet a naglaon iti white crystalline substance iti maysa a nagpammarang kas police poseur-buyer.
Gapu iti daytoy, nakumpiskar ti maysa a gramo a maatap a shabu nga addaan ti Standard Drug Price (SDP) a PhP 6,800.00 a naglaon ti lima nga heat-sealed transparent plastic sachets no sadino maysa ditoy a maipagarup a shabu ti nagatang iti suspek idinto nga adda pay uppat a mapapati a shabu ti naala mismo iti suspek.
Mainaig iti daytoy, nausar ti sangaribu a pisos kas buy-bust money, maysa a nakalukat a transparent plastic sachet, dua ribu a pisos a personal a kuarta ken maysa nga Iphone mobile phone ti suspek.
Kabayatanna, nagtalinaed ti suspek iti kustodiar iti Philippine National Police iti ili ti San Nicolas para iti pannakaipila ti kaso kontra kenkuana.
