LAOAG CITY – Pimmusay ti maysa a lalaki kalpasan a kinettel na ti bukod na a biag.
Nabigbig ti biktima nga agtawen ti 24 ken residente iti Brgy. Santiago iti ili ti Solsona.
Segun ken ni PCapt. Chris Anthony Sorsano, ti hepe ti PNP-Solsona, adda ti naipadanon kadakuada a report mainaig iti pangpakamatay ti biktima.
Dagus a nagresponde dagitoy ngem apaman a nakadanunda iti pagtaengan ti biktima ket naitarayen iti rural health unit ken naamoan a dead on arrival.
Immunan nga inbaga ni Sorsano nga inbitin ti biktima ti bagbagi na iti kusinada.
Rumrumuar a makapaspasar daytoy ti depresyon gapu iti pinansyal a problema partikular iti pagbayad na ti motorsiklo.
Kabayatanna, inpakaamo ni Sorsano nga agtultuloy ti infodemic drive care program ti PNP nu sadino a maysa kadagiti matratar ket ti pananglaban ti panagpakamatay.
Maipalagip a naiget met ti pananggutgutigot ti programa ti gobierno probinsyal nga Speak Up I’m Hear nga agkamang kadagiti eksperto tapno matulungan a makarekobre manipod iti nagduduma a problema a sangsangoen ken tapno maliklikan ti panagpakamatay.
