LAOAG CITY – Natiliw dagiti tallo a tattao babaen ti warrant of arrest gapu iti kaso da nga illegal a panagsusugal idiay Badoc, Ilocos Norte.
Nabigbig dagitoy a da Edison Tumandao, agtawen iti 39, naasawaan, konduktor ti bus; Marilyn Cajag, agtawen iti 41, naasawaan, ken ni Juanalyn Aspiras, agtawen iti 32, naasawaan, agpapada dagitoy a residente iti nasao nga ili
Ti warrant of arrest ket inparuk-at ni Hon. Judge Ligaya Solicipan iti MCTC Pinili-Badoc gapu ti kaso da nga illegal gambling.
Nairekomendar ti sag-30 ribo a pisos a piyansa dagiti suspek para ti temporaryo a pannakawaya-waya da.
