LAOAG CITY – Ginuyud ti maysa a lalaki manipod Italya ti tallo a babassit nga eroplano babaen ti imana bayat a magmagna a nangitunda ti pannakagun-od na ti Guinness World Record.
Nagun-od ni Matteo Pavone ti titulo kas “most light aircrafts pulled by walking on hands”.
Inbatad ni Pavone nga ado dagiti nagdalanan na a rigat ken nagpasar ti ado a sugat sakbay a nagballigi.
Inpakaammo na nga idi damo a gandaten na a gun-oden ti titulo ket nagsagaba ti back injury ken inbatad kenkuana ti doktor a saanen a makaay-ayam pay.
Nupay kasta, kuna na nga inaramid na amin a kabaelan na tapno maipaneknek iti doktor a nagkamali daytoy ti naibaga kenkuana, rason a napalalo ti ragsak ni Pavone iti panagballigi na.
Innayon na a maipanakkel na unay ti nagun-od na a titulo ngem patien na a kabaelan na pay a guyuden ti uppat a babassit nga eroplano para iti sabali pay a Guinness World Record.
