LAOAG CITY – Balligi a naarestar ti maysa a lalaki iti Barangay Medina iti ili ti Dingras iti naiwayat nga anti illegal drug buy-bust operation babaen ti Philippine National Police iti nasao nga ili.
Ti suspek ket agtawen ti 39, naasawaan, awanan trabaho ken residente ti Barangay Medina iti ili ti Dingras.
Segun kadagiti otoridad, naarestar ti suspek kalpasan a linakuan na ti nagpammarang a police poseur buyer ti maipagarop a shabu.
Iti panangkapkap dagiti otoridad iti suspek ket nakakumpiskar da pay ti innem nga heat-sealed transparent plastic sachet, tallo a transparent sachet nga awan ti nagyan na ken P1,000 a kuarta a nausar kas buy-bust money.
Naamoan a dagiti nakumpiskar a maipagarop a shabu manipud iti suspek ket agdagsen ti sumurok-kumurang a 2 a gramo ti maipagarop a shabu ken addaan ti street value a P13,600 ken standard value a P6,800.
Gapu iti daytoy, manamnama a maipilaan ti suspek iti kaso a panaglabsing ti Section 5 ken 11 ti Article II ti Republic Act 9165 wenno ti Comprehensive Dangerous Drugs Act of 2002.
