LAOAG CITY – Nagtalinaed iti ospital iti maysa a lalaki kalpasan a naawanan ti puot gaputa dinangran iti kayong na iti Brgy. 2 ditoy ciudad ti Laoag.
Nabigbig ti biktima a ni Prim Angelo Pascual, agtawen ti 40, naasawaan; idino a ti suspek ket ni Jem Manuel Julian, agatwen ti 29, awanan ti asawa, agpada da a residente iti nasao met laeng a barangay.
Segun ti imbestigasyon ti PNP, immunan a nagriri da Pascual ken Julian itay kallabes a makagapo iti ad-adda a saanda nagkinnaawatran iti nagbaetan da.
Naamooan a dinangran ti suspek ni Pascual ket dita kinugtaran na a nangitunda iti pannakaitama ti ulo na iti semento, ken naawanan iti puot.
Gapu iti daytoy, nagsagaba ni Pascual iti Traumatic Brain Injury ken manarimaan a maob-obserbaran iti ospital.
