LAOAG CITY – Maysan a nalamiis a bangkay idi nakita ti maysa a lalaki iti Brgy. 2 San Baltazar, San Nicolas, Ilocos Norte.
Segun kenni Police Major Joseph Tayaban, ti chief of police ti PNP-San Nicolas, ti biktima ket agtawen ti 23, baro ken residente iti ili ti Pinili ngem agnanaed iti Barangay 2, San Nicolas.
Iti imbestigasyon dagiti kameng ti PNP, kalpasan ti trabaho ti biktima ket naggiinom da ngem itay bigat ket maysan a nalamiis a bangkay iti mismo nga uneg ti barracks da.
Naitaray pay laeng ospital ngem indeklara ti doctor a dead on arrival ti biktima.
Kabayatanna, awan met ti foul play a nakita dagiti otoridad iti pannakatay ti biktima no diket gapo iti natural a pannakatay wenno bangungot.
