LAOAG CITY – Maluksaw ni Mr. Jong Salvador iti Barangay Nangalisan 51-B ditoy ciudad ti Laoag gapu iti pannakadesgrasya ti anak na gapu kadagiti agbibitin a waya iti igid ti kalsada iti nadakamat a barangay.
Inbatad na a gapu iti pannakadesgrasya ti anak na ket nagsagaba ti sugat iti nagduduma a paset ti bagi na ken natuppolan pay iti dua a ngipen.
Inpakaammo pay ni Salvador a malaksid iti anak na ket adda pay dagiti immuna a behikulo a nadadael gapu iti pannakadalapos da kadagiti nakalaylay a waya.
Gapu iti daytoy, inbalakad ni Salvador a masapol koma a maiplastar a naimbag dagiti nakalaylay a waya iti nadakamat a lugar tapno awanen dagiti sumaruno pay a madesgrasya.
Kabayatanna, inbatad ni Barangay Chairman Jowie Pasion iti nadakamat a barangay nga awan pay ti naaw-awat da a report mainaig iti daytoy isut gapuna a saan da a makaaramid ti aksyon.
Agpapan maisursurat daytoy a damag ket saan pay a masinunuo no siasinno ti agtagikua kadagiti nakalaylay a waya iti nadakamat a barangay.
