LAOAG CITY – Nagbekkel ti maysa a lalaki nga agtawen ti 59 a taga Brgy. Banban, iti ili ti Bangui.
Segun kenni Julius Basallo, Chief of Police ti PNP Bangui, basar iti inisyal a report, nakita ti anak ti kabsat ti biktima a nakabitin ti bagi na iti tali ket dita a dagus nga intaray da iti ospital ngem saan met la a naisalbar ti biagna.
Rumrumuar nga adda ti sagsagabaen a sakit a depresyon ti lalaki ket itay lawng kallabes ket gapgapo na a napan nagpacheck up iti psychiatrist.
Naamoan nga adda ti asawa ti biktima iti ballasiw taaw ken adda ti maysa nga anak da ngem saan da nga agkabbalay.
Iti agdama ket agtultuloy pay laeng ti imbestigasyon ti pulisya mainaig iti daytoy nga insidente.
