LAOAG CITY – Inlawlawag ni PMaj. Joseph Baltazar, ti hepe ti PNP-San Nicolas ti napasamak a desgrasya iti nasao nga ili ken puon ti panagsagaba ti nakana a sugat iti saka ti maysa a lalaki.
Inbatad ni Baltazar a basar iti naiyuswat nga imbestigasyon, agpapaamianan a direksyon ti dump truck nga inturong ni Arnel Layugan, agtawen ti 59, naasawan ken residente iti Brgy. 11 Catgatagen iti ili ti Banna.
Kabayatanna, kuna na nga adda iti akin-kannawan a shoulder ti kalsada ti mio motorcyle nga inturong ni Rommel Andres, agtawen ti 25 ken residente iti Brgy. San Cristobal iti ili ti Sarrat.
Kuna na nga apaman a daldalyasaten dagiti dua a behikulo ti national highway ket nag-overtake ti motorsiklo ket dita a nadungpar na ti maysa met laeng a motorsiklo nga inturong ni Marc Marcos, agtawen ti 23 ken residente iti Brgy. 16 iti ili ti San Nicolas.
Gapu iti daytoy, inpakaammo ni Baltazar a na-slide ti driver ti mio ken naipasirok iti likod ti truck rason a naligayan ti saka na.
Nagtalinaed iti kuerpo ti pulisya ti drive ti truck ken manamnam nga agsarita daytoy ken ti pamilya ti driver ti mio.
Agtultuloy ti imbestigasyon dagiti otoridad iti nasao nga insidente.
