LAOAG CITY – Nagsagaba ti sugat iti nagduduma a paset ti bagi ti maysa a lalaki kalpasan a nadesgrasya ti nagluganan na a motorsiklo iti national highway bisinidad iti Barangay Caraitan, Badoc, Ilocos Norte.
Nabigbig ti biktima a ni RALPH MARTIN y AGLIAM, agtawen iti 37, naasawaan ken residente iti Brgy. Giron St. ditoy ciudad ti Laoag.
Segun ti biktima, bayat ti panagdaldalyasat ti biktima iti lugar ket napukawan ti kontrol a nangitunda ti pannakaidungpar na iti maysa a multi-cab a nakaparking iti igid ti kalsada.
Naitaray ti biktima iti Mariano Marcos Memorial Hospital and Medical Center idiay ciudad ti Batac para ti naan-anay a pannakataming na.
