LAOAG CITY – Nagtalinaed nga awan ti puot na ti maysa kadagiti biktima ti degsrasya a napasamak iti Batac-Banna Road, bisinidad ti Barangay San Mateo iti ciudad ti Batac.
Daytoy ti kinumpirmaran ni Police Captain Johnwell Balueta, deputy chief of police ti PNP-Batac.
Binigbig ni Balueta ti biktima a ni Regie Pambid, 34, naasawaan, driver ti motorsiklo ken residente iti Barangay Capacuan iti nasao a ciudad idinto a ti kinadinnungpar na ket ni Melecio Gamuy, agtawen ti 46, driver ti tricycle.
Segun kenni Balueta, immagaw ti linya ni Pambid rason a nadungpar na ti kasinnabat na a tricycle.
Mainaig iti daytoy, maysa kadagiti nagresponde a pulis a ni Corporal Aristo Pagdilao ket maysa a registered nurse rason a dagus na a pinakatan ti first aid dagiti biktima.
