LAOAG CITY – Nakuryente ti maysa a welder iti Brgy. Cali iti ili a Dingras.
Nabigbig daytoy a ni Rolando Tolentino, 39, baro, welder ken residente iti Brgy. Binacag iti ili a Banna.
Basar iti imbestigasyon, bayat ti panagwelding ni Tolentino iti ar-aramiden na a balay iti nasao a barangay ket aksidente a naisagidna ti landok iti linya ti kuryente ti Ilocos Norte Electric Cooperative.
Gapo iti daytoy, nagsagaba ti sugat iti ima ken buksit ni Tolentino rason a naitaray iti Rural Health Unit ngem naiyakar daytoy iti Dingras District Hospital kalpasan na ket naiyakar iti Provincial Hospital ditoy ciudad ti Laoag.
