LAOAG CITY – Kinumpirmaran ni Police Major Arnel Tabaog, hepe ti PNP-Vintar ti panagbettak ti maysa a granada iti paset ti Barangay Margaay iti nasao nga ili a nakasugatan ti maysa a lalaki.
Nabigbig ti biktima a ni Emerson Agcaioli, agtawen ti 32, ken residente iti nasao a barangay.
Segun kenni Tabog, napan nangayo iti bantay ni Agcaioli no sadinno nga ayan met ti granada rason a nasugatan idi bimtak daytoy.
nakarekobre dagiti kameng ti Explosive Ordnance Division ti maysa a metal fragment wenno MK2 hand granade.
Inbatad na a ti granada ket nakaluban ti maysa a baso ken adda ti nakakabit nga barot ken adda iti kayo a pagsungrod.
Inlawlawag na nga naala ti kayo ket naguyod met ti barot rason a bimtak ti granada.
Kunana a mabalin a nabayagen ti granada ken rumrumwar a nairanta ti pannakikabil na iti kayo.
Naamoan pay nga uray agtudo wenno malinnaawan ket saan a maapektaran ti g ranada gapo ta adda ti baso a nakakalob.
Saan met pay a maibaga ti hepe no siasinno ti nangikabil iti nasao a granada ken no siasinno ti puntirya daytoy.
Iti agdama ket manarimaan ti naun-uneg nga imbestigasyon da mainaig iti daytoy ken addan dagiti naalaan da ti palawag.
