LAOAG CITY – Nagsagaba ti sugat ti nangiturong ti maysa a traysikel kalpasan a nadungpar ti maysa a kotse idiay Barangay Peralta iti ili ti Dingras.
Nabigbig ti driver ti tricycle a ni Juanito Pulintang, residente iti nasao a barangay idinto a ti nangiturong ti kotse ket ni Michael Badua, residente iti Barangay Sta. Cecilia ii ili ti San Nicolas.
Basar iti PNP-Dingras, agpada nga agpadaya a direksyon dagiti dua a behikulo idi nadungpar ti kotse ti likudan ti tricycle.
Dagus a naitaray dagiti biktima iti Dingras District Hospital ken nagsagaba ni Pulintang ti sugat iti ulo na ken ti akin-kannigid nga abaga na.
Agtultuloy met ti imbesigasyon dagiti otoridad mainaig iti nasao a pasamak.
