LAOAG CITY – Nabagkong ti maysa a lalaki iti Brgy. 9 ili ti San Nicolas, agarup maysa nga oras kapasan ti iseserrek ti baro a tawen.
Basar iti report manipud iti San Nicolas Minucipal Police Station, nabigbig ti suspek a ni Mark Nobia, idinto ti nabagkong ket ti agnagan ti Dennis Sales.
Iti inisyal nga imbestigasyon, lumabas ni Nobia iti kalsada ngem maipagarup nga adda ti nakabangen a motorsiklo rason a nagpabpaburbor ti motorsiklo ket dita metten a dimteng ni Dennis Sales ken bulon na a dinanog ni Nobia.
Gapo iti daytoy, kellaat a binagkong ni Nobia ni Sales iti paset ti bagi na.
Naitaray ti biktima iti Gov. Roque Ablan Sr. Memorial Hospital ditoy siudad ti Laoag para ti pannakataming na ken dagus a nakarwar daytoy.
