LAOAG CITY – Inpakaammo ni PLt. Irineo Sibucao iti PNP-Currimao nga addan iti natalged a kasasaad ti biktima iti napasamak a desgraysa iti paset ti Brgy. Pias-Sur iti nasao nga ili.
Binigbig ni Sibucao ti biktima nga agtawen ti 29, empleado ti gobierno ken residente iti Brgy. Acosta iti siudad ti Batac.
Segun kenkuana, agpapaamianan a direksyon ti biktima a nangiturong ti motorsiklo idi ta saanna a nakontrol ti manibela apaman a nadunan na ti kurbaan a paset ti kalsada gapu ta nagalis daytoy.
Gapu iti daytoy, naslide ti biktima ken nagsaba ti sugat iti nagduduma a paset ti bagi na.
Dagus a nagresponde dagiti otoridad partikular iti maritime police iti ili ti Currimao ken naitaray ti biktima iti Mariano Marcos Memorial Hospital and Medical Center iti siudad ti Batac.
Immunan nga inpakaammo ni Sibucao nga awan iti impluwensya ti nasanger ti biktima idi napasamak ti isidente.
Inbatad na a napaspas laeng ti panagpataray daytoy ken nagalis ti kalsada gubuay ti agtultuloy a panagtudtudo.
