LAOAG CITY – Nasugsugatan ti maysa a lalaki a nangiturong ti tricycle kalpasan a nadesgrasya iti national highway a bisinidad ti Brgy. Darat iti ili ti Pinili.
Basar iti imbestigasyon ti PNP-Pinili, agpaabagatan a direksyon ti biktima idi ta imbes a dalyasaten na ti kurbaan a paset ti kalsada ket nagderderetso daytoy iti maysa a pasdek.
Gapu iti daytoy, nagbaliktad ti tricyle rason metten a nagsagaba ti sugat iti muging ken ima ti biktima.
Dagus a naitaray daytoy iti ospital ngem nakaruar met laeng a dagus kalpasan a nataming.
Naamoan nga adda iti impluwensya ti nasanger ti biktima.
