LAOAG CITY – Manamnama ti pannakapila ti kaso kotra iti maysa a lalaki kalpasan ti panangbakong na iti mismo a kabsat na a puon ti nakatayan na iti Barangay Ar-arusip iti ili ti Badoc.
Ti suspek ket agtawen ti 49, naasawaan, maysa a karpintero idinto a ti biktima ket agtawen ti 47, naasawaan ken agpada a residente iti nadakamat a barangay.
Segun iti PNP-Badoc, idi kalman, Marso 7 ket nagreport iti pulisya ti ina ti suspek ken biktima mainaig iti napasamak a pammagkong idi rabii ti Marso 6.
Iti imbestigasyon, idi rabii ti Domingo ket naggi-inum ti nasanger ti suspek, biktima ken papagayam da idi naaddaan ti nabara a panagsinnungbat dagiti agkabsat.
Gapo iti daytoy, kinabil ti biktima ti suspek a nagresulta iti panangala ti kutsilyo ti suspek ken dagus na a binagkong ti kabsat na.
Nagsagaba met ti sugat ti biktima iti likod na ken pimmusay bayat a maag-agasan iti ospital.
Mainaig iti daytoy, maipagarop a napunoan ti suspek gapo ta saan a daytoy ti ummuna a gundaway a nagbalin a bayolente ti biktima.
Kabayatanna, naamoan a naladaw ti pananakireport ti nasao a pasamak gapo ta ninamnama ti pamilya a saan a pumusay ti biktima.
Iti agdama ket adda iti kustudiyar ti PNP ti nadakamat a suspek.
