LAOAG CITY – Natay ti maysa a motorista kalpasan a nadesgrasya iti maibilang a ‘killer bridge’ iti Barangay Mangngato ditoy ciudad ti Laoag ken nawatwataka pay ti utek na.
Nabigbig ti biktima a ni John Marvin Buduan, 30-anyos, baro ken residente iti Brgy. 27 idiay ili ti Paoay.
Iti imbestigasyon, kabayatan ti panagawid ni Buduan manipod ditoy ciudad ti Laoag a nakalugan ti motorsiklo ket napukawan ti kontrol iti manibela a nangitunda ti pannakaidungpar na iti railings ti rangtay.
Gapu iti kapigsa ti pannakaidungpar ti biktima iti railings ket nagsagaba kadagiti sugat kangrunaan na iti ulo na a nangitunda pay ti pannakawatak-watak ti utek na.
