LAOAG CITY – Inpakaamo ni PLt. Roi Manuel Ordonio, hepe ti PNP Pasuquin a napaspas ti taray ti motorsiklo nga inturong ni Leonel Tumacder, agtawen ti 32 ken residente iti Brgy. 29 iti ili ti Bacarra isut gapu na a nagdesgrasya iti paset ti Poblacion 2 iti ili ti Pasuquin.
Segun ken ni Ordonio, agpaamianan a direksyon ni Tumacder ken naggapo daytoy iti ili ti Bacarra.
Nu pay kasta, kuna na a posible a saan na a nakontrol ti manibela gapu iti kinapaspas ti taray na isut gapu na a na-overshoot na ti kurbaan a paset ti kalsada.
Gapu iti daytoy, naidungpar ti motorsiklo iti alad ti maysa a pagtaengan rason a naipurwak ni Tumacder.
Dead on the spot daytoy gapu iti nakana a sugat iti ulo a sinagaba na.
Mainaig iti daytoy, inbaga ni Orodonio nga awan ti suot nga helmet ti biktima ken adda iti impluwensya ti nasanger.
