LAOAG CITY – Natay ti maysa a lalaki kalpasan a nadesgrasya iti paset ti Brgy. Baay iti siudad ti Batac.
Nabigbig ti biktima a ni Christopher Tacad, residente iti Urdaneta City, Pangasinan ngem tubo iti ili ti Solsona.
Basar iti imbestigasyon ti PNP-Batac, agpadpadaya a direksyon ti biktima idi ta kellaat nga immagaw iti linya.
Dita a naawanan ti kontrol iti manibela ti inturong na a motorsiklo iti metal barrier ti kalsada.
Gapu iti daytoy, nagsagaba ti nakana a sugat iti ulo ti lalaki ken isu ti puon ti dagus a pannakatay na.
