LAOAG CITY – Kinumpirmaran ni Police Captain Jospeh Calderon, ti chief of police ti PNP-Dingras ti panagbekkel ti maysa a lalaki idiay Barangay Puruganan iti nasao nga ili.
Binigbig ni Calderon ti biktima a ni Edward Galango, agtawen ti 23, awanan ti asawa, awanan ti trabaho ken residente iti nasao a barangay.
Segun kenni Calderon, nadiskubre ti kabsat ti biktima a nakabitinen daytoy iti uneg ti balay da ken dagus a Dingras District Hospital ti nasao a biktima ngem naideklara a dead on arrival.
Rumrumwar iti imbestigasyon da a ti rason ti nagpakamatayan ti biktima ket na-depress gapo iti maipagarop a saan da a panagkinnaawatan iti nobya na.
Inlawlawag na a basar iti mensahe ti cellphone ti biktima nga inpatulod na iti maibagbaga a nobya na ket kunana a no matay ket bisitaen ti babai ti tanem na, kasta met a nabasa da ti “once a cheater, always a repeater”.
Inbatad na a no nagbabawi kuma ti panunut ti biktima ket mabalin na ti nagkapet iti kawayan nga adda iti balay da kasta met nga adda ti pagbatayan na nga adda iti asideg na rason a patyen ti PNP nga awan ti foul play ti napasamak.
