LAOAG CITY – Natay ti maysa a lalaki kalpasan ti panagbekkel usar ti tali ti indayon iti Sitio Rang-ay, Barangay Lanao iti ili ti Bangui.
Nabigbig ti biktima a ni Edison Garcia, agtawen ti 25, solo parent, kargador ti grocery store ken residente met laeng iti nasao a lugar.
Segun kenni Police Cpl. Rolly Ramoran Jr., iti panagimbestigar da ket nagpakamatay ti lalaki gapo iti depresyon.
Inbatad ni Ramoran a nagpakaasi ni Garcia iti dati a live in partner na nga urnusen da ti relasyon da.
Kunana a sakbay iti panagpakamatay ni Garcia ket inyangaw na a natayen.
Naitaray iti Bangui District Hospital ti biktima ngem naideklara a dead on arrival.
