LAOAG CITY – Dead on arrival ti maysa a lalaki kalpasan ti pannakadesgrasya na iti national highway paset iti Barangay Lacuben iti ili ti Badoc.
Nabigbig ti biktima a ni Andy Cainglit y Lacuesta, agtawen ti 43, naasawaan, maysa a mekaniko ken residente iti Brgy. Mabusag Norte iti nasao nga ili.
Segun kenni Police Major Joseph Tayaban, ti chief of police ti PNP-Badoc, agpaamyanan ti biktima a nakalugan ti motorsiklo ngem idi nakadanon iti kurbaan a paset ti kalsada ket na-overshoot rason a naidungpar iti rail guide ti rangtay.
Dagus met a naitaray ti biktima iti Corpuz Clinic and Hospital, iti ili ti Sinait iti probinsya ti Ilocos Sur ngem naideklara a dead on arrival.
Kinumpirmaran ni Tayaban a ni biktima ket adda iti impluwensya ti nasanger idi napasamak ti desgrasya.
