LAOAG CITY – Kinumpirmaran ni Police Captain Granduer Tangonan, ti chief of police ti PNP-Piddig ti pannakakimat a puon ti nakatayan ti maysa a lalaki idiay Barangay Sta. Maria iti nasao nga ili.
Nabigbig ti biktima a ni Danilo Andres Jr., addaan ti umno nga edad ken residente iti nasao a barangay.
Segun kenni Tangonan, dagus kuma nga inreport dagiti opisyal ti barangay kadakuada ti nasao a napasamak.
Inbatad na a ti pay laeng nakadamagan na ket ti Bombo Radyo ken idi napan da kinita ti biktima ket addan iti morgue iti Piddig District Hospital.
Iti agdama ket agtultuloy pay laeng ti imbestigasyon dagiti otoridad no kasano ti pannakakimat ti nasao a biktima.
