LAOAG CITY – Natay ti maysa a lalaki a taga Bacarra kalpasan a nakuryente kabayatan ti papanna panagtrabaho iti Barangay Visaya iti ili ti Vintar.
Daytoy ti kinumpirmaran ni Barangay Chairman Roger Tangonan iti Barangay 19, Nambaran iti ili ti Bacarra.
Naamoan a ti biktima nga agtawen ti 19 ket kaanakan a mismo ti nadakamat a kapitan.
Naitaray ti biktima iti Governor Roque Ablan Senior Memorial Hospital ditoy ciudad ti Laoag para iti pannakataming na ngem pimmusay met laeng.
