LAOAG CITY – Natay ti maysa a lalaki kalpasan a nalmes iti irigasyon iti paset ti Barangay 19, San Lorenzo iti ili ti San Nicolas.
Nabigbig ti biktima a ni Kevin Tejada y Tabayag, agtawen ti 31, baro ken residente met laeng iti nadakamat a barangay.
Basar iti imbestigasyon, kabayatan nga agin-inom ti arak iti igid ti irigasyon da Tejada ken ti kadwa na a ni Ronel Cabuga, agtawen ti 36, awanan ti asawan ken residente met laeng iti nasao a barangay ket bigla lattan a nagtapwak ti biktima tapno mapan agdigus iti danom.
Nupay kasta, nagbalaw ni Cabuga idi saannan a makita ni Tejada rason a nagkiddaw ti tulong no sadinno a ti nakasarita na a mapan bumatok ket ti agtawen ti 16 a residente met laeng iti lugar.
Nakita ti agtawen ti 16 ni Tejada iti sewer control ti irigasyon.
Dagus da nga inpakaammo ti napasamak iti Bureau of Fire Protection kn dagiti personnel ti Municipal Health Office iti nasao nga ili tapno maiyaon ti biktima manipod iti danom.
Naitaray ti biktima iti Gertes Hospital iti ili ti San Nicolas ngem indeklarar ni Dr. Bielmaju Baoingan Waley a pimmusayen.
