LAOAG CITY – Balligi a natiliw ti maysa nga online seller gapo iti panaglako na ti iligal a paputok.
Ti entrapment operation ket insayangkat ti Philippine National Police iti ili ti San Nicolas iti panangidaulo ni Police Major Eduardo Santos, iti Barangay 3.
Ummuna iti daytoy, adda ti naawat a report ti pulisya seknan iti panaglako ti suspek ti maiparit a paputok wenno ti “mother cow” nga addaan ti markings nga “ELYU FIREWORKS”.
Gapo iti daytoy, insayangkat da ti operasyon ken ken naaktuan da ti panaglako ti suspek iti iligal a paputok.
Karaman kadagiti nakumpiskar dagiti otoridad ti maysa a dakkel a kwitis ken tallo a mother cow, ken dua ribo a pisos.
Mainaig iti daytoy, kunana a naduktalan da pay nga aglaklako ti suspek kadagiti ubbing.
Sumango met ti suspek iti kaso a panaglabsing iti Republic Act 7183.
Kabayatanna, gutgutiguten ti pulisya ti publiko nga ipakammo laeng kadakuada no adda dagiti ammo da nga aglaklako ti iligal a paputok.
