LAOAG CITY – Natiliw ti maysa a lalaki kalpasan a nagtakaw iti Brgy. 18 ditoy siudad ti Laoag.
Segun ken ni police staff sergeant Seymour Ballarmino, nabigbig ti suspek a ni Brian Tubo Sagabaen, agtawen ti 39, awanan asawa ken residente iti Sitio 1, Brgy. 55-A, Barit-Pandan ditoy siudad ti Laoag.
Ti suspek ket naarestar babaen ti bileg ti warrant of arrest nga inparuk-at ti Presiding Judge, a ni Maricris Felix iti Regional Trial Court, Branch 133 iti siudad ti Makati.
Nairekomendaran ni Ballarmino ti 40 a ribu a pisos a piyansa para iti temporaryo pannakawaya-waya na.
Maipalagip nga idi tawen 2002 ket natiliw met laeng daytoy gapu iti panagtakaw.
Kabayatanna, natalinaed ti suspek iti kustodiar ti Philippine National Police ditoy siudad ti Laoag para iti naan-anay a pannakaimbestigarna.
