LAOAG CITY – Natiliw ti maysa a lalaki idiay Barangay Cabatacan West, Lasam, Cagayan babaen ti bileg ti warrant of arrest nga inserbi dagiti kameng ti INPPO ken CIDG-Aparri, Cagayan gapu iti kaso na a frustrated homicide.
Nabigbig ti suspek a ni Nick Corpuz, agtawen ti 26, awanan ti asawa, maysa a helper, ken residente iti Santa Catalina, Pasuquin, Ilocos Norte.
Ti nasao a warrant of arrest ket inparuk-at ni Gemma Bucayu-Madrid iti RTC Brabch 19 idiay ili ti Bangui kontra iti suspek.
Nairekomendar met ti 22 a ribo a pisos a pyansa na para iti temporaryo a pannakawaya-waya na.
Nagtalinaed ti kustudyar ti PNP-Pasuquin ti nasao a suspek para naan-anay a disposisyon kontra kenkuana.
