LAOAG CITY – Balligi a natiliw ti maysa a lalaki iti naiyuswat nga anti-illegal drug buy-bust operation iti Barangay Parut iti ili ti Vintar.
Segun kenni Police Captain Jofel Pascual, ti chief of police ti ili ti Vintar, ti suspek ket agtawen ti 42, naasawaan ken residente ditoy ciudad ti Laoag.
Inbatad na a natiliw daytoy kalpasan a maipagarop a naglako ti iligal a droga iti police poseur buyer.
Nakumpiskar dagiti otoridad ti tallo a babassit a sachet ti iligal a droga nga agdagsen ti 0.9 grams ken agbalor ti 2,040 pesos, 1000 pesos a buy-bust money ken dadduma pay a kagamitan na.
Iti agdama, nagtalinaed ti suspek iti Philippine National Police iti ili ti Vintar.
