LAOAG CITY – Balligi ti naiysuwat a drug buy bust operation babaen ti PNP-San Nicolas ken Provincial Drug Enforcement Unit iti Barangay 16 iti nasao nga ili.
Nabigbig ti subject ti operasyon a ni Ronnie Guillermo y Padron Jr., alyas Junjun, agtawen ti 30, addaan ti live in partner, tricycle driver ken residente iti Barangay 1, San Francisco iti nasao nga ili.
Basar ti PNP, bayat nga adda iti Barangay 16 ket maipagarop a naglako iti police pusuer buyer ti maysa a sachet ti maipagarop a shabu balor ti sangaribo a pisos.
Naamoan a bayat ti panangkapkap dagiti otoridad kenni Guillermo ket naalaan pay ti dua a sachet iti maipagarop a shabu, maysa a cellphone, wallet a naglaon ti 250 a pisos, 50 a pisos iti box ti tricycle na.
Inbatad pay ti PNP nga adda iti drug wacthlist ni Guillermo.
Kabayatanna, nagkedked ni Guillermo a mangipaay ti komento seknan iti pannakatiliw na.
Iti agdama ket maisagsaganan ti kaso a panaglabsing iti Republic Act 9165.
